借題發揮：蔡明紹過於自然

猪拉多纳

　　昨文提及東廐成績嘅關鍵人物蔡明紹，係咪完全係佢責任，令到東廐做唔成冠軍？其實冇理由負上全責，但肯定會被「問責」。當日曾被捧到上天嘅蔡明紹，火速畢業又年輕，可惜陣中表現，並未追到自己嘅「評分增幅」。

　　蔡明紹崇尚順其自然跑法，基本上冇大問題，因記得當年柏兆雷憑「超力好」贏騎師錦標，賽後接受訪問時，解釋過為何陣上唔強行約束速度及防斜跑，因為龐然大物，與其同坐騎鬥力，倒不如順應便算。一級高手也有此見解，前者跑法本來不會惹來太多批評。問題係佢一再比賽時過於自然，「加州萬里」遠征一役已令我輩馬迷「大開眼界」吧！

　　此外，如有留意到此君出閘反應，有唔少坐騎喺佢胯下梗係慢半拍，但同1匹馬喺他人手上卻可出閘敏捷。事實上，賽駒出閘順利，屬騎師首要任務，如這方面也做得不夠好，哪可成為超級高手。

Jack