借題發揮：柏寶白德民偶有失手

猪拉多纳

　　香港一線騎師，強如韋達、柏寶、白德民，偶爾也在比賽時演出不穩定，由頭輸到尾一啲唔意外，就好似柏寶，成日喺谷草交到好成績，猶如主場一樣。

　　但上季15/6就係柏寶黑暗一夜，當晚騎6駒，有3匹大熱及1匹次熱門，終以1場亞軍結尾，捧場客當晚一定碰個頭崩額裂。

　　白德民同樣有類似「經驗」，伸延性更橫越3期賽事。在上季6月中，此君曾在連續4期（21駒），坐騎名次最佳止於季軍，而22/6谷草夜賽，仲輸晒3匹冷熱門。如果喺呢段時期捧佢嘅馬，簡直慘不忍睹，堂堂騎師榜三哥，竟然4期冇馬入到Q，真係估佢唔到！？

　　不過，由於佢哋唔係經常性失手，成績得以長處高位，當然，有大馬房支持，亦係頭馬多產主因，但如果唔係交到貨，又邊有大馬房肯委以重任，能夠一直維繫到關係，雙方必須相輔相成。

Jack