亞冠盃8強鍊車未驚過 櫻花喪攻大無畏

猪拉多纳

14/09/2011
文： 蘇豪

亞冠盃八強戰展開，日本唯一代表大阪櫻花首回合主場硬撼南韓勁旅全北汽車。大阪櫻花踢法激情，上場同廣島三箭炮製九個士哥，踢法性感，今場對手全北汽車火力亦勁，兩軍有望大手交易，捧大！




(now 671周三晚6時30分直播)




大阪櫻花過去一年先後流失香川真司、阿祖安奴費拉拿及乾貴士等主力，但仍有大把優質進攻球員，當中以南韓國腳金甫炅及日本新星清武弘嗣最掂，兩人上場對廣島三箭都有士哥，老牌前鋒播戶龍二更連中三元，協助球隊贏五比四。櫻花進攻冇問題，衰在防線不穩，南韓門將金鎮鉉成日發波瘟，對住班同鄉隨時又出事。


全北汽車進攻瓣數多


全北汽車屬南韓現役最強球隊，目前於聯賽榜穩坐榜首，表現平穩。大軍擁有伊連奴及路爾斯軒歷基等優質外援，今季仲有高大中鋒丁成勳來投，前線進攻瓣數多，聯賽廿四戰轟入五十六球，平均每場入兩球有多，單計近三場已入十球，火力驚人，今次就算作客出戰，亦會繼續大踢進攻足球，希望可以爭取作客入球。




兩軍同樣攻強於守，今次交手預期會合演入球騷，現時大盤分頭唔錯，絕對值得一試。