洛辛堡猛火炒起桑恩達

猪拉多纳

22/09/2011
文： ComboKing

數現時全歐洲最弗球隊，除咗曼聯、巴塞外，可能就輪到洛辛堡！阿King咁講可能誇張咗啲，但洛辛堡近期走勢唔講得笑，接連大炒奧特格寧蘭、薩普斯堡同史達，三仗轟入十七粒，勒都勒唔住，今晚主場鬥桑恩達，1.56倍「讓球主勝」走唔甩。




（周五凌晨零時開賽）




自歐霸出局後，洛辛堡集中精神全力踢挪超，即時回復水準所向無敵，接連以七比○、六比○同四比一大數對手，入波易過食生菜。尼日利亞中場捷保基上仗大演帽子戲法，攻擊手巴根加同馬古斯軒歷臣亦都上晒身入得就入。現時洛辛堡雖落後榜首莫迪十二分，但少踢兩場，而且手上仲有九仗喺手，從後趕上稱王唔係天方夜譚。桑恩達係全挪超實力最曳球隊，今仗輸少當贏，洛辛堡贏兩粒係基本消費。


赫根唔赦哥登堡


洛辛堡夠弗，阿爾克馬爾氣勢亦強勁，今季主場全數贏晒，班波愈打愈有，聯賽加歐霸近六戰全勝，今晚荷蘭盃第二圈主場鬥格羅寧根料再斬四兩，捧「讓球主勝」。瑞典超赫根夠晒正氣，球隊近兩次去到哥登堡主場都唔使輸，哥軍目前冇嘢好爭讓唔起，赫根受讓捧「讓球客勝」。