夢幻十一連捷在望

猪拉多纳

　　對上兩個賽日蔡明紹被罰停賽，告東尼即倚重巫斯義搏殺，可惜雷聲大雨點小，九匹合作馬無一能勝，「好好機會」及「按得美麗」更大熱倒灶，表現令人失望。明日蔡明紹停賽期滿復出，東廐共有五駒交予他執韁，到底騎者能否替其師父重響勝鼓？

　　五匹合作馬中，筆者睇好第七場的「夢幻十一」可再勝。上仗牠初跑田草四班1200米，賠率由頭熱到尾，而這匹三歲馬亦不負所托，在巫斯義胯下沿途居前列角逐，最後彈甩亞軍「快樂無窮」兩個多馬位過終點。這次升班再戰同程，改負113磅後巫斯義未能造磅，但既然最近蔡明紹騎東廐馬跑田草1200米的表現穩定，可見潛力未盡露的「夢幻十一」值得繼續捧場。

歐陽志恆