山度士出副選咪沾手

猪拉多纳

20/11/2011
文： 自由恒

上星期五足智彩開巴甲參考賠率，留意到一場波賠率相當異常，就係（日）55哥列迪巴 Vs 山度士，當時歐洲平均主W有1.81倍，但馬會就只得1.48倍，通常咁大差別，到正式開售時馬會都會略作調整，但最後到尋晚就仍然企硬，反而歐平就跟晒馬會，跌到落1.61倍。




其實馬會今次都算洞悉先機，事關山度士為咗應付下個月嘅世冠盃，已經講明剩低作客比賽都會出副選，尼馬、甘素全部唔見人，馬會率先壓低哥列迪巴主W，絕對係有根有據。




今日仲有多場賠率變動，包括（日）6珀斯光輝、11愛斯賓奴、14維迪斯、27奧沙辛拿、35畢爾包、37阿里辛特、46國際體育會、57競賽會及58高隆都有升溫，當中奧沙辛拿係進一步拋離歐平，最值得留神。