里昂跌Watt強捧阿積士

猪拉多纳

22/11/2011
文： 蘇豪

歐聯D組今輪有場出線生死對決，里昂主場對阿積士，里昂落後次席阿積士三分，今場絕對唔衰得，不過，大軍今季跌晒Watt，近期連輸三場沉到爆，根本冇條件讓波，一於捧「讓球客勝」。




（有線63及203台周三凌晨3時45分直播）




3連敗反彈乏力




里昂近年屬歐聯常客，而且經常都能突破分組賽，單計級數應達歐洲一線尾。不過里昂今季水平不僅冇提升，仲要大幅倒退，目前於國內聯賽排第五，近況仲麻麻，對上三場賽事全敗，包括主場對皇馬淨吞兩蛋，近兩戰鬥索察及雷恩都輸一比二，演出非常唔掂。大軍現時形勢不利，今仗必定會全力爭勝，但恐怕有心無力！




阿積士最後一輪分組賽要撼皇馬，雖然對手已取得出線席位，但仍然好難對付，球隊同樣要於今場搏命，必定唔會坐以待斃，大軍首循環於主場同里昂互交白卷，今次絕對唔輸得，否則難望出線。阿積士主將施安迪莊受傷休戰，特奧贊臣有傷上陣成疑，未能派出最強人腳，不過里昂戰鬥力大減，預計阿積士有力頂住對手。




同日皇家馬德里主場對薩格勒布戴拿模（周三凌晨3時45分開賽），皇馬已經出線，薩格勒布戴拿模已經出局，皇馬實力遠勝對手，照計數當然有力大勝，不過球隊未必會於例行公事搏命，讓得多要小心，入球大細中位數改成3.5球，博細盤。