華倫大開殺戒

猪拉多纳

23/11/2011
文： SAMVO肥叔

今晚又有奧運外圍賽亞洲區賽事，名牌球隊南韓出戰，牌面睇梗係高啲啦，不過，卡塔爾擁有大量資金支持，近年足球水準不斷提升，當地班富豪個個都要面，好想喺國際舞台攞威，班兵肯定有鬥志，對住南韓係難打，但並非冇得打，主場受讓盤口有利，下盤值得留意。


講番今次重點推介，歐聯E組賽事華倫西亞主場對亨克，捧大！睇番E組形勢，華倫落後榜首車路士三分，今次對住同組最弱嘅比利時代表亨克絕對不容有失。華倫主場搏殺成功率高，不過，亨克上次有本事頂住車路士，反映呢班波唔係魚腩。今場兩隊都會全力爭勝，華倫讓得較多，上盤唔抵玩，預期呢場會有唔少士哥，玩大盤更佳。


（有線63台及203台周四凌晨3時45分直播）

巴迪歐戰經驗勝柏軍

同日H組賽事巴迪主場對柏辛域陀尼亞，捧主隊！兩隊波同屬歐洲三線球隊，相比之下，巴迪整體實力仍在柏辛域陀尼亞之上，呢支白俄羅斯球隊近年不時有機會出戰歐聯，經驗明顯較佳，今次主場出戰讓半球，盤口合理，要上盤。另外，G組薩克達主場對波圖，波圖今季水平明顯下跌，已經不復當年勇，唔好睇得太高，呢場莊家開緊平手盤，一於要薩克達啦！

肥叔心水

卡塔爾U23下盤


巴迪上盤

華倫西亞大

薩克達平手盤

AC米蘭下盤