國米爭勝獻神級設計師

猪拉多纳

03/12/2011
文： RICHARD WELBING

意甲國際米蘭主場對烏甸尼斯，今場可對主隊多加留意。現時好多商業球隊都與著名時裝品牌有合作，就以時裝之都米蘭為例，當地兩支球隊都有服裝贊助。AC米蘭隊服就由Armani設計及供應，至於國際米蘭嘅合作夥伴就係Versace。最近Versace掌舵人之一Donatella（范思哲之妹）就同國際米蘭球員聚會，祝賀Versace新店開張，可見雙方關係幾咁密切。




另一方面，十二月二日正係范思哲生忌，國際米蘭會長莫拉堤已落「柯打」，叫球員今場鬥烏甸尼斯時要全拚搏，然後將勝利獻畀好友兼神級設計師范思哲。國際米蘭領到「柯打」一定做嘢，主Ｗ可捧。（周日凌晨3時45分開賽）


拿玻里出副選照炒


拿玻里曾被認定意甲爭標主角，但受到歐洲賽事所影響，現時聯賽分數與祖雲達斯及AC米蘭都有一段距離。不過操盤手並未睇低呢支那不勒斯球隊，本周主場對萊切，主Ｗ低開至不足1.3倍。開飛賠率夠硬淨，相信拿玻里有好大機會贏出今場比賽。實在拿玻里會長迪羅倫迪斯以及球迷，對於聯賽勝利極之渴求，就算今仗出副選有望以大比數擊敗弱勢球隊萊切，建議大家選取賠率較高嘅「讓球主勝」。（周日凌晨3時45分開賽）