轉場惹票紅日再現

猪拉多纳

　　今晚成批國際大師傅喺度，飛數頓時硬淨晒，除咗第六場大熱門「追月」個W一度有6.7倍咁「騎呢」，其他場次都搵到重心，大家不妨信一信熱門。

　　既然講得第六場最亂，怪飛馬當然喺度搵，結果真係搵到隻「紅日」出嚟。呢匹馬噚晚個W曾得8.5倍左右，睇番上仗，佢原來係一匹輸七個多馬位嘅55倍馬，既然上場唔係醒，今場飛從何來？照計唔關勞倫事，因為呢位澳洲師傅其他三匹坐騎都冇呢啲怪飛，惟獨「紅日」信心十足。睇番匹馬嘅往績，一切就明白晒，原來佢上季五戰谷草一哩三次埋Q，獲一冠兩亞，今次可以話返主場搏殺，當然吸引。既然票數夠硬淨，不妨跟一跟。

　　戴圖理坐騎夠惡

　　騎師王方面，今次只計第三、四、六同七場，第四場開跑前就會截止。睇飛數勢均力敵，但戴圖理坐騎惡啲，揀佢。

周仲