高危降班區

猪拉多纳

17/12/2011


英超下游幾支護級球隊水鬥水，包尾保頓目前積分更只得單位數，但菠菜公司威廉希爾仍未敢睇淡佢哋，反而最睇死近況不俗嘅韋根，已將佢哋降班賠率，由初時2.63倍，調低至最熱嘅1.44倍。




至於跟隨其後嘅係布力般流浪及保頓，同為1.67倍，近日傳出布力般陷入財困，令士氣大受打擊，上仗領先新特蘭大半場情況下，竟然喺比賽尾段連失兩球，由贏變輸，可謂雪上加霜。


布力般今晚獲睇好


布力般領隊堅恩被列為下一位最大機會被炒嘅英超領隊，如果今晚主場贏唔到西布朗，恐怕堅恩都要執包袱，好彩對手近況麻麻，堅恩為保飯碗，勢必使出渾身解數，馬會開出布軍讓平半，似乎對佢哋幾有信心，捧上盤。（有線303及203台周六晚11時直播）