「喜鵲」過年前大翻身

猪拉多纳

17/12/2011
文： 車車

今晚除咗韋根對車路士嗰場我睇好入球大之餘，另一場我有信心同樣會開大，就係紐卡素主場對史雲斯，「喜鵲」紐卡素季初係威係勢，英超同聯賽盃雙線發展下，單計九十分鐘法定時間，曾經保持連續十四場不敗，卒之對住曼城就斷纜。




紐卡素道氣被打窒咗之後，跟住就一路都冇好過，聯賽已連續四場贏唔出，包括輸畀車路士、和咗曼聯，但勢估唔到對住「金絲雀」諾域治都輸波！領隊柏杜稍為有番啲安慰，係對曼市雙雄同「金絲雀」時都有波入，唔使捧蛋，咁都未至於毫無攻力。


丹巴巴亞腳風順


「喜鵲」一定都想報喜，當然希望趁今晚主場重拾贏波自信心啦！話晒邊個唔想喺年尾執番個尾彩過年先？前鋒丹巴巴亞腳風幾順，係球隊嘅入球機器，話晒佢依家喺英超射手榜同朗尼同埋阿古路平排第二o架！


史雲斯防守差


至於客軍升班馬史雲斯，真係能力有限，今季踢咗七場聯賽作客，未贏過一場，輸五場和兩場，得兩分。講真攻力方面，佢哋真係麻麻哋，不過史雲斯防守差，博個入球大都得，睇番佢哋七場作客當中有五場開大，就足以證明啦！




（有線300及200台周六晚11時直播）


車車推介：紐卡素 Vs 史雲斯 主勝 及 大


「車車」在1998世界盃至今已成「資深球迷」，2001年起在電台主持年輕人節目，2005年起主持電台足球節目，2010年底加入球彩台，主持《球彩俱樂部》及《球盤龍門陣》，並參與每周足球賽事直播。

PHONE波熱線：1831 678

電郵：soccer64@cabletv.com.hk

開放時間：「超級星期六」晚上10:00至深夜3:30