波琴平手盤抵玩 FSV8場聯賽未贏過

猪拉多纳

17/12/2011
文： ComboKing

日本球員威震德國球壇，德甲有香川真司，德乙有乾貴士，兩人上輪聯賽一齊有波入互相輝映。効力波琴嘅乾貴士更已成為球隊首席射手，波琴喺佢帶領下表現逐步回勇，今晚德乙作客對弱隊FSV法蘭克福開平手盤，阿King力撐波琴。（周六晚8時開賽）




二十三歲嘅乾貴士今季加盟波琴即穩佔正選位置，並已貢獻五個聯賽入球，包括上仗對榜首杜塞爾多夫，為球隊先開紀錄。雖然波琴最終被逼和，但表現備受讚賞，大大提升球隊士氣，相信表現會愈來愈好，尤其係今仗對手只係下游分子FSV法蘭克福，難唔到波琴。




FSV法蘭克福已經連續八場聯賽贏唔到波，期間共失二十球，防線如同虛設，點抵擋得住射術精湛嘅乾貴士。值得一提FSV今季主場未贏過，平手盤要波琴，非常穩陣。


哈特普爾讓唔起高車


另一場德乙，卡爾斯魯厄主場對1860慕尼黑，卡軍四連敗輸到心慌慌，反觀1860慕尼黑正值當起，小讓平半要1860上盤。英甲哈特普爾主場對高車士打，哈軍主場七連敗只入一球，今場竟然要讓波實在開玩笑，一於力捧高車士打「讓球客勝」。