海豚落班信心飛勁

猪拉多纳

　　唔知係唔係聖誕假期關係，大家對熱門信心唔多夠，十場賽事得「捉金」、「歡欣星」、「財運」同「醒目精英」個W實淨，其他場合大熱門啲獨贏飛一度喺4倍及以上，小心為妙。

　　怪飛馬方面，頭場有匹「海豚」隔夜飛勁爆，先講佢嘅過去，呢匹馬在港初出至今，大大話話征戰咗十一場，獨贏最後賠率從未低過16倍，當然，成績亦成正比，未入過前四名，但唔知點解，佢一落五班，即刻惹來嚇死人嘅票數，上仗都仲係80倍大冷門，跑落又得第十，何德何能令佢今次一度得7.7倍W，位置仲曾經成為大熱門呢？相信係因為吳定強部署落班馬一向唔曳，或者喺五班，可能真係「海豚」天下都唔定，信佢。

　　其他騎師13倍吸引

　　騎師王再次由韋達擔旗，得1.9倍，但最吸引人嘅，莫過於13倍嘅其他騎師，值得留意。

周仲