曼城尾站捱細界

猪拉多纳

03/01/2012
文： 麥馬拿仁

周三凌晨上演英超快車重頭戲，曼城主場鬥利物浦。利物浦能遇強愈強，全賴一條穩健防線，紅軍係目前聯賽失球最少球隊，本季鬥曼城、曼聯、阿仙奴都開細，今鋪必續打守勢波。曼城前晚先至不敵新特蘭，休息時間少兩日，喺「快車尾站」兵疲難咬得入紅軍，捧細！




（有線300及200台周三凌晨4時直播）




聖誕、新年快車密密踢，雖然曼城板櫈深度夠，但嚟到「尾站」都一樣惡頂，喺拆禮物日作客西布朗就被悶和○比○，前晚作客新特蘭遇頑強抵抗，主力耶耶托尼、巴利、拿斯尼、高柏尼等踢得頗辛苦，體力負荷極大。該仗阿古路、大衞施華任後備，巴洛迪利直頭後備都唔見，結果輸○比一收場，今仗三子應會復任正選，不過賽程咁緊密，面對硬嘢利物浦好惡啃。




事實上，曼城近期作客利物浦，之後鬥車路士及阿仙奴，其中兩場開細，鬥車仔仲輸埋，今場戰情相信會好緊湊，入波唔會多。


謝拉特復出紅軍醒神


利物浦早前先後打和韋根同布力般流浪，但上場謝拉特復出下即三比一反勝紐卡素，紅軍士氣直線上升。事實上，紅軍鬥強隊表現一向醒神，撇除九人應戰輸熱刺四蛋外，本季鬥曼聯、阿仙奴、曼城及兩鬥車路士都保持不敗，五戰中有四場開細，反映紅軍鬥勁旅守得好穩。今戰紅軍會用謝拉特、佐敦軒達臣同史比寧同對手搶中場，相信戰情會好膠着，捧1.9倍細盤！