基達菲平手盤包冇衰

猪拉多纳

08/01/2012
文： SAMVO肥叔

英格蘭足總盃曼市打吡成為市場焦點，曼城已被菠菜公司評為英格蘭頂級球隊，今晚主場對住曼聯要讓平半至半球。兩支曼市死敵硬撼，大家都會搏盡，「紅魔鬼」今季聯賽曾大敗於曼城腳下，今次復仇心切，鬥心好勁，受讓有利，可留意下盤。




講番是日重心推介，西甲基達菲主場對畢爾包，捧主隊！基達菲今季保持一貫水準，目前位列中游，表現中規中矩，呢班波於主場搏殺成功率好高，唔少大戶都會吼實佢哋主場賽事出手，今次對住畢爾包，大部分莊家都開平手盤，唔使讓波真係抵玩，呢場可捧基達菲！




（now 632周日晚11時直播）




跟住睇場意甲，博洛尼亞主場對卡坦尼亞，又係要主隊！博洛尼亞係意甲下游球隊，本身作客搶分能力甚低，如果唔把握主場優勢爭取勝仗，季尾護級危危乎。呢班波實力一般，勝在決心夠強，卡坦尼亞作客唔算特別叻，今場係博洛尼亞搶分黃金機會，平手盤可秤先。（周日晚10時開賽）


維拉利爾係時候反彈


另外，同日仲有場西甲值得留意，維拉利爾主場對華倫西亞，見到維拉利爾戰績真係唔多開胃，不過，呢班波本身唔係咁曳，經過一輪休戰後，下半季有機會變身反彈，今次主場受讓盤口有利，下盤博得過。（now 632周一凌晨1時直播）


肥叔心水


西維爾 平手盤

烏甸尼斯 上盤

曼聯 下盤

博洛尼亞 平手盤

基達菲 平手盤

新特蘭 上盤

維拉利爾 下盤

巴勒莫 大

愛斯賓奴 下盤、大