金紫荊票勁咪睇小

猪拉多纳

　　唔知係咪「綠色」效應，徐雨石一擺「綠色快駒」出嚟，好多人覺得佢實有馬配合咁，唔少徐廐冷馬有飛，當中包括「魅力影子」、「福到威威」同埋陣間會介紹嘅「金紫荊」，三匹馬上仗至少都有40倍，今次齊齊起革命，得番10倍左右，信吓好。

　　其中一匹怪飛馬「金紫荊」將會出爭第七場維多利亞賽馬會錦標。話說徐雨石本來只係打算安排「綠色好」爭呢項錦標，係後來先將「金紫荊」轉過嚟。論運仔，徐廐正選「綠色好」明顯好啲，排一檔，反而「金紫荊」就抽到十二檔，黑到爆，雖然話際遇差過人，又成副陪跑格，但單計飛數，佢確係不得了。隔晚P一度得1.4倍，票勁吼一吼好。

　　普萊西騎師王抵博

　　騎師王方面亂得交關，惟獨是普萊西明顯有飛，得8倍，相信亦係徐廐「綠色」效應幫到手，一於捧佢。

周仲