曼城重重維困

猪拉多纳

12/02/2012
文： 樂比堅尼

今晚英超重頭戲，爭標分子曼城作客阿士東維拉。曼城近況回落，2012年勝率不足五成，加上作客唔係佢哋強項，今場又未能夫添出戰，客勝賠率熱成咁唔值博，樂比仔捧維拉「讓球主勝」。（有線200及300台周一凌晨零時直播）




曼城同曼聯依家鬥得叮噹馬頭，由於尋晚曼聯贏波，曼城暫以一分落後排第二。曼城狀態相比起季初確實有回落迹象，近十場賽事僅贏得四場，完全欠缺霸氣，值得留意係佢哋作客成績更差，近九場波只係贏過兩場，所贏對手仲要係韋根同埋聯賽盃陣容不整嘅阿仙奴，可見曼城作客絕對靠唔住！


維拉攻力復整


事實上，曼城近期防線出現唔少漏洞，近四場失五球，雖然隊長高柏尼今仗可復出，但托尼兄弟仍踢緊非洲國家盃未歸隊，前鋒巴洛迪利停賽，陣容不整嘅曼城，作客踢硬仗心理上始終輸蝕。




維拉今季表現不過不失，最令人失望係主場表現欠佳，只係贏過三場，但作客要贏佢哋絕對唔易，尤其係維拉今仗有艾邦拉荷傷愈可候命，配合戴倫賓特、羅比堅尼及尼索比亞等人，有能力喺曼城身上取得入球，今場一於捧「讓球主勝」！