羅比堅尼「維園」壓軸騷

猪拉多纳

12/02/2012


今季英超掀起一股借用美職球員熱潮，阿仙奴有亨利、愛華頓有當路雲，而阿士東維拉則有羅比堅尼。羅比堅尼自加盟維拉後，表現獲一致讚賞，至今已射入三球，不過洛杉磯銀河已拒絕維拉續借要求，羅比堅尼踢埋下仗對韋根就要執包袱返美國。


踢多場返銀河


維拉本來希望延長羅比堅尼借用合約，踢埋三月初對布力般流浪嘅聯賽先畀佢歸隊，不過洛杉磯銀河已拒絕維拉要求，羅比仔踢埋下場聯賽作客對韋根就會飛返美國，備戰三月初舉行嘅中冠盃賽事，意味今晚係羅比堅尼在維拉公園球場最後一戰。




維拉領隊麥利殊表示：「羅比堅尼經驗豐富，而且技術相當全面，所以只需一段短時間已融入球隊，表現令人拍案叫絕，可惜佢即將要返回美國報到，我非常感激佢嘅貢獻，希望大家可享受餘下兩場比賽。」