皇馬唔使留大炒利雲特

猪拉多纳

12/02/2012
文： 法比加輝

今輪西甲皇家馬德里會主場迎戰利雲特，由於「艦隊」嚟緊周中未使踢歐聯住，因此今場可以毫無保留地痛宰利雲特，客隊狀態沉得緊要，「艦隊」大勝機會甚高，加輝建議捧入球大。（now 632周一凌晨4時30分直播）




歐聯十六強將在周中重開，不過皇馬未使踢住，要等多個星期先到佢哋出場，反而死敵巴塞隆拿就要作客利華古遜。皇馬未有歐聯後顧，意味今場聯賽可以精銳盡出強攻利雲特。事實上，皇馬自從在西班牙盃八強行人止步後，每周只需一賽，球員都因此而得到足夠休息，養足精神專心打西甲，表現自然有保證。軍情方面，左閘馬些路擺脫傷患，今場可如常上陣。


利雲特作客腳軟


客隊利雲特踏入新一年未好過，近九場賽事一勝三和五負，只係在西班牙盃贏過次級隊伍艾高干而已，狀態十分低沉，球員亦明顯出現信心危機。再者，利雲特一向都只係「地頭蟲」，一旦離開主場就好似唔識踢波咁，近八場作客全部輸晒，面對強隊更加毫無招架之力，對巴塞隆拿淨吞五蛋，上場作客華倫西亞亦輸一比四。既然作客咁曳，皇馬大炒機會相對提高，除熱捧入球大外，個人認為4:0、5:0波膽亦可支持。