新兵有料到撐波圖

猪拉多纳

12/02/2012
文： Katie

最近嗰套《奪命異能》係就係誇張啲，主角亦講唔上靚仔，但由於Katie喺西雅圖生活過，所以睇見每一幕場景都有種重遊舊地嘅感覺，如果小妹有超能力，我肯定會利用呢種天賦去救人，一定好有滿足感！




真高同路爾斯干沙利斯冇超能力，但最近就化身雷霆救兵，轉投波圖，幫新東家爭取衞冕聯賽錦標。估唔到佢哋上場葡聯盃處子登場即齊齊入波，認真威水。




Katie都知波圖上場聯賽輸畀基維辛迪，連續55場葡超不敗走勢終結，平唔到賓菲加保持咗34年嘅紀錄，不過冇咗呢個心理包袱，話唔埋今晚班球員踢得仲放，主場要劏連續5場聯賽失分嘅利亞拿唔難！


Katie推介：波圖（讓球主勝）


外國長大，半個鬼妹仔，自細因爸爸成日帶朋友返屋企睇波而愛上足球，鍾意睇靚仔但唔會盲目追捧，最緊要係好波。