銀河艦隊[-2]照撐「W」

猪拉多纳

12/02/2012
文： 查理阿蛋

雖然皇馬近期受各種不和同換帥傳聞困擾，但係仍然創出球會史上同期最佳成績，今場實行踢散近況唔掂嘅利雲特，就算[-2]小妹都會照撐1.62倍「讓球主勝」！（now632台周一凌晨4:30直播）




利雲特呢隊波都算異數，季初曾經係威係勢，上年9月仲曾經喺自己地頭贏皇馬，同巴塞齊齊成為今季西甲成功「拆艦」嘅球隊，可惜佢哋隨後大跌watt，已經連續6場聯賽冇贏過，仲可以排喺第4位實在神奇！今場又有柏度盧比斯及沙維托利斯等主力非傷則停，小妹唔覺得佢哋有本錢喺巴拿貝球場搶到分。


21戰搶55分同期最佳


反觀「銀河艦隊」雖然屢有負面消息傳出，不過小妹就相當欣賞班球員並冇受太大影響，經過21輪聯賽更斬獲55分，係球會史上同期最佳賽績！教練莫連奴剪咗個新剷青髮型，襯唔襯佢就見仁見智，不過話唔定可以幫佢轉運帶隊繼續保持強勢，加上快翼迪馬利亞有望復出，側擊力大大加強，炒多幾粒絕對冇難度啦！