拿玻里「-1」打爆基

猪拉多纳

13/02/2012
文： 巨高

意甲拿玻里主場對基爾禾，近期拿玻里演出令人失望，連同聯賽及盃賽已四場未贏過，不過今場對基爾禾，拿玻里好有機會大反彈。現時基爾禾缺少爭勝動力，最近一場勝利只在魚腩路華拿身上取得，今次遇到實力超一班嘅拿玻里，基爾禾難免捱打。憑卡雲尼、咸錫及拿維斯之勇，有望輕取基爾禾，巨高一於捧拿玻里「讓球主勝」。


（周二凌晨3時45分開賽）


拿玻里今季目標為頭五位，但以現今積分榜形勢，球員要付出更大努力先可達標，今場對基爾禾更不能有失。其實拿玻里主場成績唔錯，地利優勢必成球隊最大爭勝本錢，雖然今仗有保羅簡拿華路停賽，但對手基爾禾攻力唔算突出，作客入球數字仍處於個位數，難對主隊構成威脅。而且未計周日晚賽果，基爾禾目前排聯賽榜十三位，領先尾三萊切十分，正式比上不足、比下有餘，論搶分決心肯定唔及拿玻里。


羅馬讓唔起錫耶納


另外，同時間開波仲有錫耶納主場對羅馬（周二凌晨3時45分開賽），錫耶納上周中於意盃四強首回合以二比一擊敗拿玻里，士氣及信心有所回升，對護級前景有一定幫助。球隊歇冬後三場主場保持不敗，對手仲要係拿玻里、拉素等前列球隊，今仗絕對唔會怕羅馬。


羅馬作客冇料到，歇冬後三場作客先後輸畀祖雲達斯、卡利亞里及打和卡坦尼亞，連續三場未贏過盤，今場作客讓平半料凶多吉少，錫耶納「讓球主勝」或受讓平半「下盤」都可一試。