光頭教練續約賣口乖

猪拉多纳

15/02/2012


意大利「光頭教練」史巴列堤，最近就與辛尼特多續三年半合約。俄羅斯球隊肯同佢繼續合作，當然滿意佢嘅表現啦！




史巴列堤話俄羅斯足球水平正不斷提升，辛尼特就畀到佢好大成功感，佢好希望喺合約到期之前，可以為球隊贏得歐聯冠軍。雖然話難度相當之高，但史巴列堤就覺得足球世界任何事情都會發生，絕唔會因困難而退縮。


教辛尼特勝在有Say


史巴列堤話以前執教羅馬壓力好大，球迷無理取鬧及當面謾罵，令佢感到失落，依家喺俄羅斯工作，心情就輕鬆得多。唔係話俄超競爭唔激烈，而係老闆畀好大自由度佢，無論排陣或者收購球員，史巴列堤都有話事權。就算球隊偶而失準，老闆及球迷都會繼續給予支持及鼓勵，言論亦唔會令人難受。被問及會否重返意大利球壇，史巴列堤就話唔知道，等佢同辛尼特份合約完結後先再諗。