馬體會食住個細

猪拉多纳

16/02/2012
文： 法比加輝

歐霸盃三十二強首回合惡戰多，意甲拉素先在主場迎戰西甲馬德里體育會。馬體會自從改聘「碧咸世仇」施蒙尼領軍之後，成功改善後防毛病，神奇地連續六場零失球，足證呢位防守專家的確有料到。由於作客兼首回合關係，加輝估計施蒙尼會繼續穩守為先，因為球員時期佢曾經効力拉素多年，對呢班波有一定熟悉，建議捧細。




（有線64及204周五凌晨2時直播）




馬體會多年來風格都係攻強守弱，防線執極都唔掂，殊不知防守中場出身嘅阿根廷教練施蒙尼一上任，即刻變法解決晒防線毛病，連續六場一球不失，喺馬體會身上認真少見。馬體會今場有中堅高甸復出，後防人腳更完整。不過有辣有唔辣，馬體會着重防守後，攻力亦隨之而弱咗，近三場只係入得一球，連開了三口細。


拉素留力意甲爭標


拉素方面，由於今季有機會爭聯賽冠軍，所以歐霸盃嘅重視性自然降低，加上意大利兵近年都較為忽視歐霸，就如上季十六強已經冇晒意兵，而前季十六強亦只係得祖雲達斯一支「死剩種」，所以拉素今場心態亦成疑問。再者，施蒙尼曾經在99至03年効力拉素，對呢支意甲兵有一定熟悉，要制訂部署亦會較為容易，加輝認為馬體會會守得住拉素，細盤值博。