賀芬咸換帥當頭起

猪拉多纳

17/02/2012
文： 蘇斯黑柴

周六凌晨德甲獨腳戲，賀芬咸主場迎戰緬恩斯，今場投X難度高，緬恩斯近況出色兼有往績支持，但賀芬咸上仗換帥止跌而且陣容復整，雙方實力旗鼓相當，賀芬咸有主場之利可望小勝，小讓平半宜敲上盤。




（有線61及201台周六凌晨3時30分直播）




賀芬咸今季不斷放血，加上「黑面神」教頭史坦歷斯拉華斯基大半世人未離開過漢堡市工作，去到漁港賀芬咸人地生疏，同球員關係欠佳，最終被炒只係遲早嘅事，上輪球隊作客雲達不來梅，算係新帥巴布上任第一仗，結果早早取得領先優勢，雖然完場前被追和晚節不保，但已算係好開始，球隊士氣同鬥志明顯有改善，亦有中場施巴斯坦魯迪同杜比亞斯韋斯成功復出。今仗該隊更有沙利荷域同賴恩巴布雙雙刑滿回歸，返主場作賽預期會有更佳發揮。




客軍緬恩斯實力一般，但勝在有叻叻少帥杜曹領軍，近期又得到舊將穆罕默德施丹回巢，攻力有改善，近三場聯賽一勝兩和表現硬淨，佢哋過去兩度喺德甲作客賀芬咸都贏波，對今場信心都會有幫助。今場兩隊各有千秋唔易揀，黑柴只係更相信賀芬咸嘅「前利物浦巴布組合」（教練巴布同賴恩巴布）首次合作會擦出火花，建議小注賀芬咸上盤。