拿玻里有Heart摧殘紫百合

猪拉多纳

17/02/2012


意甲費倫天拿主場對拿玻里，兩支球隊以費倫天拿近況較佳，主場錄得兩連勝，不過「紫百合」今季演出反覆不定，就算主場出擊都靠唔住。拿玻里聯賽演出雖然冇上季咁好，但勝在球員有打不死精神，作客費倫天拿都唔能夠睇小。今場開出平手盤，阿King認為拿玻里高水值得捧場。（周六凌晨3時45分開賽）


費倫天拿一盤散沙


費倫天拿出過唔少球星，比如巴治奧、巴迪斯圖達、雷哥斯達。無奈近年總係留唔住星級球員，最近一宗就係基拿甸奴轉投到熱拿亞。費倫天拿陣內失去咗凝聚力，球員各自為政，自然踢唔出應有水準。相反，拿玻里就團結得多，球員嗰種打不死精神正正係費倫天拿所缺乏，拿玻里總能喺不利環境下發揮出最強水準。既能於歐聯死亡之組逃出生天，拿玻里實力未必差得過費倫天拿，平手盤捧番作客嘅拿玻里。