哈化抓分細頂多蒙特

猪拉多纳

18/02/2012
文： 車車

唔經唔覺，德甲已經嚟到第廿二輪比賽，依家榜首同榜尾競爭都好激烈，榜首多蒙特同排第四嘅史浩克04就相差五分；榜尾爭得仲犀利，尾四嘅哈化柏林同包尾弗賴堡只係相差三分，真係一場波來回就已經可以再執過位。今晚「一哥」多蒙特作客尾四哈化柏林，兩隊都唔會輕易放手，捧入球細！




（有線61及201台周六晚10時30分直播）


蜜蜂兵團主將缺陣


哈化柏林歇冬後五場比賽輸四場，總共失十球，其中五球係上場作客對史特加嗰陣硬食嘅，咁先至令人有個感覺佢哋防守唔掂。睇番呢五場之中，其實佢三場主場總共只係失咗三球，喺德國盃對聯賽「三哥」慕遜加柏，九十分鐘都頂得住冇失波！




雖然「蜜蜂兵團」多蒙特近期氣勢如虹，已經有連續十五場聯賽保持不敗，仲唔使踢歐聯，只係需要專心聯賽同德國盃，但佢哋上場主場對利華古遜，只可以僅僅小勝一球，加上馬里奧葛斯要長抖，香川真司呢場亦因傷缺陣，單靠巴里奧斯、哥斯基奧斯等，影響咗入球嘅穩定性。




睇番往績，哈化柏林近五次主場對多蒙特，「半場和」開過四次，所以我覺得呢場賽事「半場和」同入球細機會好大。




車車01年起在電台主持年輕人節目，05年起主持電台足球節目，10年底加入球彩台，主持《球彩俱樂部》及《球盤龍門陣》，並參與每周足球賽事直播。