流浪發奮擺脫危「基」

猪拉多纳

18/02/2012
文： 朱楓

格拉斯哥流浪今晚喺託管後首次出戰蘇超，主場對基爾馬諾克。雖然流浪近排立立亂，不過一班球員仍然不離不棄，仲揚言會竭盡所能踢好波氹Fans，今鋪對住近況一般嘅基爾馬諾克，力足開1.83倍「讓球主勝」！（開賽時間：周六晚11:00）


基爾馬諾克爆內訌


蘇超班霸格拉斯哥流浪近日因涉嫌逃稅被託管，震驚球壇。好彩接管球會嘅負責人杜夫同菲立斯，日前走出嚟話現階段唔需要炒人，仲話有信心流浪好快就可以重上正軌添。雖然嚟緊可能冇糧出，不過美國後衞保卡尼加認真有義氣，佢話家陣成班球員都鬥心爆棚，想搏老命踢好波安撫球迷。事實上，流浪有別於樸茨茅夫等曾被接管嘅球隊，流浪扣咗10分都喺蘇超排第二，領先第3位嘅馬瑟韋爾9分，實力根本超班。




基爾馬諾克上周臨天光瀨尿，喺主場被赫斯逼和1:1，連續第5場贏唔到波，賽後赫斯領隊保羅沙治奧仲爆料，話聽到基爾馬諾克球員喺背後講佢哋領隊舒爾斯壞話，前鋒雲杜侯特今晚又話要停賽，就憑基爾馬諾克想偷流浪雞？怕且唔易喎！