上仗失算護級勢危 錫耶納碌卡補番數

猪拉多纳

22/02/2012
文： SAMYO肥叔

意甲下游分子錫耶納係護級專家，上次喺關鍵對決輸畀萊切，現跌落第17位形勢告急，今次返主場面對同級對手卡坦尼亞，爭勝決心肯定更強，呢班波近期主場勢頭好勁，預計今次可以補中，讓半球盤口硬淨，值得留意！（周四凌晨1時30分開賽）




錫耶納上次作客萊切，上半場一度領先，可惜其後兵敗如山倒，最終大敗一比四收場，表現確實令人失望。不過，呢班波本身好識留放，上次輸得咁勁，去到中後段已抱放棄態度，擺明想留番今場先搏，大軍近期喺主場先後戰勝拿玻里及羅馬等實力分子，表現硬淨到不得了，去到關鍵時刻冇得保留，今仗將會全力搶分，讓到半球都唔怕，一於捧錫耶納！


波圖焗攻「大」鬧曼城


同日歐霸盃賽事曼城主場對波圖，曼城首回合作客都贏到波圖，現時優勢非常明顯，不過，佢哋今場唔使贏波都可晉級，依家仲要讓到半一至一球，個盤真係太辣。波圖級數唔及對手，但目前形勢危急，就算作客都會搶攻，後防容易暴露空位，預計今場兩隊會有唔少士哥，入球大值得留意。




歐聯方面，巴素利主場對拜仁慕尼黑，係人都知拜仁級數較高，但巴素利在分組賽有能力壓倒曼聯出線，反映實力唔曳，今次主場出戰有得受讓一球，個盤非常抵玩，下盤有計。