些路迪地頭慢工出「細」貨

猪拉多纳

22/02/2012
文： 查理阿蛋

格拉斯哥流浪因破產被法庭接管，日前正式被罰扣10分，結果被罰之後嘅首場聯賽仲要主場輸埋畀基爾馬諾克，相信喺蘇超領先17分嘅些路迪已經手執盃耳，佢哋今晚喺蘇超補賽迎戰鄧弗姆林，相信只求穩陣贏波過骨，加上佢哋今季喺主場甚少大炒，入球中位數去到3.5球，當然要1.75倍入球細啦！（開賽時間：周四凌晨3:45）


領先17分冇心炒鄧弗姆林


即使格拉斯哥流浪被扣10分，仍然拋離第3位嘅馬瑟韋爾6分，穩佔積分榜第2，就知蘇超雙雄同其他球隊之間實力有幾懸殊，萬一流浪一蹶不振，未來蘇超極可能變成些路迪獨大，所以佢哋都疊埋心水，留番啖氣爭蘇格蘭足總盃同聯賽盃，爭做本土三冠王好過。




包尾嘅鄧弗姆林近6次對些路迪都輸晒，最近8場作客更加只得1勝，今場可以話未踢先輸。不過奇怪嘅係些路迪作客經常「開殺戒」大炒對手，反而喺主場入波唔多，通常都係1球起2球止，總之全取3分就算，小妹覺得班球員冇乜壓力未必有火，睇嚟都係慢工出「細」貨o架喇。