利钱伯爵加罩掂

猪拉多纳

　　第九场叁班1200米。「松林之星」季初喺10月头跑完一场，曾因伤患严重影响操练工序，仲转埋马房，之後去到12月中先慢慢做番工夫。结果复出一战（隔了4个月），喺初跑泥地之下，末段喺外叠冚得唔错。

　　由於目前被评60分，有资格报跑第五场四班1200米，练者却宁願此马在叁班，贪轻磅会係最大原因，而季内此廐有类似赛驹跑得好，此为「太阳昇」及「快乐无穷」，曾在60分角逐叁班赛获2亚1殿。说回「松林之星」，上季赢过叁班1400米，在63分仲入到围，按理现处水準冇咁高嘅短途，博一席位置唔係幻想。

　　第十场二班1400米。「利钱伯爵」初出1200米後上得殿军，如果唔係人与马阵上不断各有各犯错，赢就未必有可能，但一席第叁名点都走唔甩，睇嚟插二班起步，唔觉有压力。今仗转到此程，外地亦冇赛绩支持，睇血统及配合上赛走势，其实会比停留喺短途嚟得实际及进取；若加罩可令走规略有改善，韦达发挥又唔会过「柔」，叁甲会有佢份。

马会赛马节目主持 洪礼贤