里昂後顧多 聖日耳門下盤筍

猪拉多纳

25/02/2012
文： 笛子波童

法甲今周好戲連場，榜首雙雄巴黎聖日耳門、蒙彼利埃分別遇硬仗。聖日耳門作客鬥褪色勁旅里昂，聖日耳門換帥後愈踢愈有王者風範，連盃賽在內八場正式比賽未輸過，里昂聯賽失地太多，爭勝意欲不及對手，聖日耳門受讓平半捧下盤。




（now 633周日凌晨４時直播）




聖日耳門雖然連續兩場聯賽失分，不過一場係作客賽事，另一場對手係爭標勁敵蒙彼利埃，佢哋目前以一分領先蒙彼利埃排榜首，依然手握爭標主動權。自從安察洛堤於歇冬期間上任，同時加入守將阿歷士洛里高、麥士維及防守中場莫達，球隊防守明顯比上半季更穩健，連同法足盃在內，球隊對上八場比賽未嘗一敗，想擊敗佢哋唔容易。




里昂早前由於兼顧多項盃賽，聯賽成績每況愈下，依家落後聖日耳門十二分，爭標機會已名存實亡。球隊目前在法聯盃、法足盃及歐聯仍然有胡叫，喺聯賽搶分決心恐不及客軍，而且佢哋對上四次面對聖日耳門都贏唔到，今鋪讓平半制唔過，波童捧聖日耳門下盤。


「老二」蒙彼利埃大戰波爾多


排第二嘅蒙彼利埃則於主場迎戰波爾多。波爾多歇冬後五場聯賽四勝一和，包括擊退里爾、里昂兩支前列球隊，表現極具說服力，主隊屬可勝不穩格局。蒙彼利埃係目前法甲入波最多球隊，波爾多上次作客能攻入里爾五球，今場捧大盤較划算。（now 714周日凌晨２時直播）