登地聯受讓嗒糖

猪拉多纳

25/02/2012


蘇超傳統班霸格拉斯哥流浪因為財困被接管而罰扣十分，聯賽錦標幾已成為些路迪囊中物，各隊餘下球季集中於角逐歐洲賽資格及護級方面，今晚就有場勝負關係到來屆歐霸盃入場券嘅比賽，排第四嘅赫斯主場鬥第六位嘅登地聯，阿King建議用登地聯下盤作為今日過關重心。（周六晚11時開賽）




蘇超頭四名都可參加下屆歐洲賽，登地聯目前落後赫斯兩分，大有機會躋身前四。赫斯近期失晒魂，連盃賽在內已經六場未曾於法定時間內取勝，而且佢對上四次鬥登地聯錄得全敗劣績，讓平半阿King寧捧下盤。


喜伯年後防穿窿「大」劑


另外兩關配腳亦選擇蘇超，基爾馬諾克主場鬥喜伯年，喜伯年失波數字僅比包尾鄧弗姆林少，單計近兩場已經失咗九球，今場捧大盤。最後聖莊士東主場鬥鄧弗姆林，鄧弗姆林作客三連敗，就算想搶分亦恐怕有心無力，而且佢哋周中多踢一場補賽，體力上輸蝕，聖莊士東主Ｗ靠得住。