奧尼爾有料捧新特蘭「讓客」

猪拉多纳

25/02/2012
文： 阿占

卡比路劈炮唔做英格蘭領隊之後，民意大幅傾向由熱刺主帥夏利列納接手，不過小弟心目中最理想嘅人選，反而係新特蘭領隊奧尼爾喎！呢位北愛爾蘭教頭今季接手新特蘭後隊波踢到識飛，自佢領軍後，「黑貓」踢咗15場，有9勝3和3負成績，真係唔錯！今場雖然要作客，但主隊西布朗狀態麻麻，新特蘭想搶分絕對唔係問題，1.53倍「讓球客勝」絕對值得捧場。（有線201及301周六晚11:00直播）


西布朗嚴重跌Watt


奧尼爾當年執掌阿士東維拉時，將一班無乜星味嘅球員帶到幾乎去得踢歐聯咁滯，今季中從布魯士手中接過「黑貓」新特蘭後，佢哋表現亦脫胎換骨，由護級分子變成中上游隊伍。啱啱「黑貓」仲喺足總盃淘汰阿仙奴殺入8強，隨時唔覺意捧埋盃都唔出奇！




至於主隊西布朗上季表現令人眼前一亮，不過今季演出就大幅走樣，近8場聯賽只係贏得2場！雖然今場有愛爾蘭前鋒沙恩朗傷愈復出，不過舒卓拿肋骨受傷唔踢得，無咗呢位奧地利老將喺中場作硬朗掃蕩，西布朗防守力肯定大打折扣，遇着態勇嘅新特蘭睇怕難有運行。




頂占筍盤：新特蘭　讓球客勝