聖日耳門輸士氣里昂平半讓得起

猪拉多纳

25/02/2012
文： 吉拿甸奴

拍拖重感情係好，但教波念舊就好易出事。里昂今晚喺法甲主場對巴黎聖日耳門，讓平半隨時開得出上盤，因為聖日耳門新教練安察洛堤組軍理念好有問題，簡直好似將隊波變成「巴黎聖車路士」，一味掛住啲舊將，好易搞到士氣插水，呢場輸埋都唔奇。（now633台及廣東體育周日凌晨4:00直播）


肥安掛住執舊將士氣曳


其實阿吉好欣賞肥安以往帶領嘅AC米蘭，佢教車仔都算交到功課，但唔知點解，今次佢帶聖日耳門好似失控咁，成日想簽自己友幫手，除咗成功羅致嘅中堅阿歷士洛里高，車仔中場林柏特同隊長泰利都係佢目標，甚至已經轉會去中超搵食嘅安歷卡都自爆，原來肥安曾經想氹佢加盟！




大家知啦，踢波好講士氣，安察洛堤成日話要簽佢鍾意用嘅過氣球星，試問點能夠服眾？聖日耳門連續2場聯賽和波失分，原因好可能同士氣轉差有關。里昂方面，最近傷愈復出嘅射手利辛度盧比斯話明，下季願意繼續留隊，無論佢真心定講假，為咗張肥約肯定唔會Hea踢，有條件帶領里昂贏波。