沙士菲「兵工廠」大手交易

猪拉多纳

26/02/2012
文： 九叔

沙士菲 Vs 沙蘭迪兵工廠




沙士菲、沙蘭迪兵工廠係今季阿甲最早開咧嘅球隊，成個月前已經响自由盃打拚，季初病基本「痊愈」，所以雙方今日响沙士菲個主場交手，「大」打出手嘅機會好高，不妨冷敲個2.15倍入球大。（開賽時間：周一早上6:10）


季初病痊愈 球員弗到漏


咁啱得咁蹺，呢兩隊波喺上周中嘅自由盃都大勝對手3球，班攻擊球員嘅狀態相當唔錯，好似主隊沙士菲個鋒將費達歷高恩素亞咁，連埋上周中省咗瓜達拉哈拉兩粒，近3戰就入咗3球，佢個拍檔奧波路亦好弗，火力非常有保證，就算炒唔起「兵工廠」，都夠料開個大。




沙蘭迪兵工廠其實表現唔曳，由1月底起自由盃加阿甲6戰取得2勝3和1負，6場波入咗9球，但係佢哋個教頭怕班人征戰頻密太攰，今日會換幾個位置玩車輪戰，咁做雖然對隊波默契有啲影響，不過佢哋成班人咁好狀態，即使輸波都有權省番沙士菲一、兩粒，呢場「沙沙滾」嘅阿甲大戰，博入球大絕對冇壞。