布拉加專注聯賽搶客Ｗ

猪拉多纳

03/03/2012
文： RIOHARD WELBING

提到葡超的話，好多人只會諗起波圖及賓菲加，但大家唔好忘記仲有第三勢力布拉加。實在布拉加以往喺葡超都係「配角」，但隨着士砵亭日漸褪色，布拉加便乘勢崛起，地位亦逐漸提升，本周布拉加將會作客國民隊。布拉加今季仲有機會爭聯賽冠軍，鬥志鮮明今場必拚，客Ｗ開出機會高。




（周日凌晨2時30分開賽）


國民隊遇名牌跌Watt


布拉加喺葡超最佳成績係亞軍，管理班底當然希望球隊可更上一層樓，壓過「Big3」成為聯賽冠軍。今季踢咗廿輪聯賽，布拉加仲未畀賓菲加及波圖放甩，只係相差三分排第三，意味着今季好有機會爭做聯賽王者。再講，布拉加已緣盡歐霸盃，依家可全心全意踢聯賽，對其爭上榜首好有幫助。對手國民隊今季演出的確唔差，但對住布拉加就難逞強。布拉加作戰經驗豐富，加上有明確目標，今場一定唔會揸流攤。查實國民隊專「恰」弱隊，一旦對住賓菲加及士砵亭等名牌就即跌Watt，布拉加憑較佳質素可望在客場制敵。