賓福特主場起塞

猪拉多纳

06/03/2012
文： Combo King

本周英甲進行快車賽期，其中賓福特主場對埃克塞特。近期賓福特喺主場交出好表現，先後以大比數擊敗韋甘比及卡素爾，相信球隊可延續主場強勢，以輕鬆姿態擊敗埃克塞特，主W可優先考慮。（周三凌晨3時45分開賽）




賓福特近兩場聯賽都失分，近績不佳難免令球迷擔心。不過有一點要留意，兩場失分都係作客，今次返回主場應較有把握。其實賓福特主場咁醒神，翼鋒森桑達斯狀態當弗係其中一個關鍵，球隊靠晒佢食胡。




上星期森桑達斯獲得球隊續約一年，基於新合約係按照出場次數及演出好壞去釐定薪酬，「森仔」勢必場場拚盡以爭取最高回報，今場對住弱旅埃克塞特，森桑達斯又有機會演出身價。埃克塞特近兩次對賓福特都輸波，今次作客情況必更壞，事實上埃克塞特聯賽客場成績都幾差，作客榜排尾二，今場要攞分有一定阻力，賓福特主W值得留意。




另外，卡素爾主場對羅奇代爾，同樣要捧主W。羅奇代爾今季整體表現極曳，降班可能性大，卡素爾要爭上前列必拚，主場贏波冇難度。


查爾頓放慢獻細


而榜首查爾頓主場對高車士打，細盤可留意，今季查爾頓喺積分榜放到甩晒轆，根本冇必要場場打真軍，今場大炒機會唔高。