賓菲加辛尼特做「大」騷

猪拉多纳

06/03/2012
文： KIT

睇完16強首回合辛尼特對賓菲加，小妹睇好賓菲加晉級。不過唔知係咪去俄羅斯踢波凍病咗，賓菲加近3場葡超都贏唔到，連榜首個位都畀波圖搶埋，今晚次回合返到主場仲有艾馬停賽，但係呢班波勝在火力猛，落後梗焗住搶攻，入球大穩陣。（有線62及202周三凌晨3:45直播）




俄超雖然未開咧，不過辛尼特班球員無咩走樣，無論係舒羅高夫或者施馬克都入到靚波，加上賓菲加後防最近經常夢遊，一個唔該今場畀作客嘅辛尼特偷雞入波先都唔出奇！




之但係賓菲加今場有主場之利，上周六佢哋雖然喺聯賽主場輸畀波圖，但喺歐聯後顧下都有奧斯卡卡度素個人梅開二度，攻擊力絕對可以信賴。




仲記得上季歐聯16強次回合，8場有6場開「大」！賓菲加首回合作客都攻入2球，雖然最後輸2:3，但證明兩隊波都係攻強守弱，今仗主隊要急攻追平，客軍亦知自己防守唔掂，要爭取作客入球保住出線機會，所以有理由相信呢場係入球「大」戰！




首回合：賓客負2:3 KIT推介：賓菲加（入球大）