碧咸當路雲缺態 銀河讓唔起多倫多

猪拉多纳

07/03/2012
文： 麥馬拿仁

碧咸將帶領洛杉磯銀河挑戰中冠盃錦標，力爭參加世冠盃資格！「萬人迷」決定續留銀河，確令球隊士氣大振，但聽朝於中冠盃八強首回合，作客豬頭骨FC多倫多冇甜頭，事關碧咸、當路雲均缺態，而且近四對賽都不分勝負，銀河讓波信唔過，捧「讓球主勝」！（周四早上9時開賽）




中冠盃全名為中北美洲及加勒比海聯賽冠軍盃，係每年一度舉行嘅北美洲足球會最高榮譽盃賽，地位等同該洲嘅歐聯，而冠軍更可參與世界冠軍球會盃。去年中冠盃舉行分組賽，銀河以四勝二負成績出線，八強將爆發「美職內訌」，銀河將硬撼FC多倫多。大家都知新一季美職仍未開咧，兩軍狀態成疑，雙方實力差距必然拉近，以波論波銀河雖技高一籌，但作客讓波始終擇使。


休季期間 從未上陣


上季美職完結後，碧咸為去留考慮良久，最後決定留隊，但呢段期間並冇參與過正式賽事，肯定會影響表現。另外隊長當路雲於外借愛華頓後期，因身體抱恙而未有上陣，連早前熱身賽鬥意大利都缺陣，現時亦必然冇百分百狀態。雖然球隊仍有羅比堅尼壓陣，但雙方對上四次交手都打和而回，加上首回合兩軍都會較保守，今次強捧FC多倫多能保不敗外，細盤都要(目及)實。