|
|
10/03/2012
文： 車車
距離英超收咧仲有十一場比賽，睇依家個形勢，冠軍不出兩隊曼徹斯特市球隊，反而估邊隊可以攞埋最後一張直接出線歐聯入場券仲好玩呢，如果我話會係熱刺，你哋又認唔認同？
熱刺今季表現都算平穩，季初連輸兩場畀曼市雙雄後，曾經保持過連續十一場聯賽不敗，不過繼之前聯賽畀阿仙奴後來居上踢散晒後，上場對曼聯更有啲揸流攤嘅感覺添！照計唔係想留力爭英格蘭足總盃，定還是另有打算，真係唔知道夏利列納嘅諗法。我淨係知道，今晚作客對愛華頓真係唔易打喎！
熱刺足總盃晉級代價大
雖然熱刺足總盃十六強重賽對史提芬納治喺先失一球下，憑迪科爾梅開二度，最後反勝三比一晉級八強，但係都要付出代價，戴臣足踝受傷離場，要提早「收咧」，再加埋艾朗連儂拉傷大腿或需要長抖，真係禍不單行！
愛華頓今季主場表現都尚算OK，近期贏過曼城同車路士，聯賽已累積連續六場不敗。睇番愛華頓過往近五次主場對熱刺都開出半場和，所以，我有信心呢場半和機會好大，至於全場，最好玩返即場投X喇。
（有線200及300台周日凌晨1時30分直播）
推介：愛華頓 半場和
|
|
金睛卡
发表于 2012-3-10 08:34
变色卡
显身卡