光輝爭踢季後賽唔留「手」

猪拉多纳

11/03/2012
文： 朱楓

仲要搶分確保躋身季後賽嘅珀斯光輝，今午喺澳職主場挑戰「一哥」中岸水手，講鬥志肯定贏晒。最緊要係佢哋今仗仲有射手史美斯同中場重心米拿復出，絕對夠贏剛踢完亞冠盃嘅水手，小讓平半上盤值得捧場呀！（有線64及204周日下午4:30直播）


唔講近況，近4戰得2勝2負嘅光輝無疑略嫌反覆，好彩今季入咗9球嘅首席射手史美斯及時傷愈復出，前曼聯中場米拿同時回歸，只要發揮出色，面對已取得季後賽入場券嘅水手，贏波又有幾難？

中岸水手剛踢完亞冠盃

老實講，水手近排明顯放軟手腳，對上3場聯賽就只得2和1負，最慘係佢哋上周三先喺亞冠盃作客悶和天津0:0，對球員體能會係個極大考驗。


睇埋對賽往績，兩班波歷來交手20次，中岸水手就一面倒贏13次，和5次，珀斯光輝僅贏2次，以為水手格食格食住光輝咩？偏偏莊家仲係要開光輝讓波，除非你認為莊家想派錢益街坊，否則我會博光輝今仗贏波。