馬賽做國米細界

猪拉多纳

13/03/2012
文： 巨高

另一場歐聯十六強次回合，意甲國際米蘭主場對法甲馬賽。首回合馬賽憑阿休入波領先國米一球，料今場作客或會以防守為先，盡量保持首回合領先優勢。國米當然想搶攻追回失地，無奈進攻球員狀態低沉，好難期望佢哋有突破性演出，今場不妨揀選細盤。


（有線62及202台周三凌晨3時45分直播）

國米啞火難大炒

國際米蘭剛於聯賽擊敗基爾禾，為不勝走勢畫上句號，不過球迷勿因「藍黑兵團」一場勝利而以為球隊會大反彈。其實國米該役演出平平，如非基爾禾於比賽末段失去集中力，國米未必可以喺完場前三分鐘連入兩球致勝。國米今季成績下滑，與前鋒狀態不佳有好大關係，今次對住馬賽未必會有咁好彩，好難期待國米今場會取得大量入球。


馬賽近況唔好得過國米幾多，連續四場都冇波入。既然球員腳風唔順，今場歐聯倒不如縮後踢消極足球，反正馬賽有一球在手，今次去到聖西路球場根本無需要急進。若然客隊可以做到控球在腳，減少冒險性傳送，國米有主場都冇佢符。預料今場戰況會與首回合差唔多，全場入球都係一個起兩個止，細盤值博。