富咸主場惡到雲

猪拉多纳

17/03/2012
文： SAMVO肥叔

今次重心場次揀場英超，富咸主場對史雲斯，富咸踏入2012年後主場惡到暈，單計主場表現絕對屬英超前列分子，今次對史雲斯讓半球，盤口非常合理，預期可以順利再贏波，捧主隊！




（有線200及300台周六晚11時直播）


史雲斯客戰評級低


富咸主場向來表現平穩，但今年踢落特別犀利，2012年主場六戰未輸過，取得五勝一和，先後大炒紐卡素同狼隊，踢落好似完全唔同班咁，真係唔講得笑！史雲斯主場表現穩健，但作客評級唔高，佢哋於客場表現經常走樣，富咸個勢咁勁，史雲斯好難頂得住，一於捧主隊。




同日有場法甲亦可留意，巴黎聖日耳門作客卡昂，捧聖日耳門！睇勻今季法甲列強，以聖日耳門最具冠軍相，呢班波無論人腳、教頭同架構都好，有條件成為歐洲頂級球隊，今次對住法甲下游分子卡昂，根本唔同級數，客場一樣贏得，讓到半球至半一都唔怕，照捧可也！（now 714周日凌晨２時直播）


奧格斯堡搏殺救命


德甲方面，奧格斯堡主場對緬恩斯，緬恩斯現時排名唔上唔落，處境尷尬，難免會影響球員心理，去到賽季中後段，呢類球隊意向唔明朗，真係不宜睇得太高。奧格斯堡明刀明槍搶分救命，主場受讓着數，要下盤。


肥叔心水


新特蘭下盤

奧格斯堡下盤

禾夫斯堡下盤

富咸上盤

CF格蘭納達上盤

熱刺上盤

巴黎聖日耳門上盤

西維爾下盤、大