澳洲獅吼功大起FC北京

猪拉多纳

20/03/2012
文： 法達斯維

今日上演亞冠盃分組賽第二輪賽事，F組中超代表FC北京（北京國安）主場迎戰澳洲勁旅布里斯班獅吼。兩軍均在首輪輸波，FC北京1比2輸畀蔚山現代，獅吼0比2輸畀FC東京，兩軍要爭出線今場不容再失，尤其FC北京必趁主場之利搶得就搶，但獅吼亦非善男信女，激戰可期，入球大有2.15倍值博。（now 671周二晚7時30分直播）




FC廣州（廣州恒大）於首輪作客5比1大勝上屆亞軍、韓職班霸全北汽車，令到冇人再敢睇小中超球隊於亞冠盃的爭標能力，雖然FC北京攻力冇廣州咁強，但主場出擊亦有睇頭，該隊在2009及2010年兩屆分組賽曾於主場擊敗紐卡素噴射機及墨爾本勝利，證明對澳洲兵有一定心得，加上前國腳邵佳一回歸後漸入佳境，今場唔愁冇波入。


首輪輸波齊搶攻


獅吼短傳滲入踢法有別於一般澳職球隊，到訪中國未必吃虧，射手貝利沙、尼高斯同軒歷基安達迪近期入球停不了，加上首輪輸波，今場唔會太保守，捧入球大最穩陣。