伯明翰狂搶樸茅

猪拉多纳

20/03/2012
文： SAMVO肥叔

英冠前列鬥得激烈，第四至第九位差距只得一分，「四哥」伯明翰未穩奪升班附加賽席位，今輪作客遇着包尾大幡樸茨茅夫必全力撲殺，讓半球唔算多，一於捧伯明翰！（周三凌晨3時45分開賽）




伯明翰今季目標明確，決心爭取重返英超，會方面對嚴重財政問題，若可完成升班任務，有望解決危機，所以全軍上下都好有鬥心。如果單論人腳，伯明翰絕對係英冠頂級球隊，只要於最後衝刺時期穩住陣腳，應可再次衝擊英超，今次作客都讓半球，個盤好硬淨，加上樸茅冇晒士氣，一於捧伯明翰啦！


「錘仔」超班扑米堡


同日另一場英冠賽事韋斯咸主場對米杜士堡，「錘仔幫」係英冠頂級球隊，以佢哋現時陣容，踢英超分分鐘都夠打，於英冠作賽級數超晒班，為爭上頭兩位取得直接升班席位，餘下場場都會搏。米堡兩連敗狀態回落，作客惡唔出樣，韋斯咸讓半球至半一，可捧主隊！（now 638周三凌晨3時45分直播）




近期德甲班霸拜仁慕尼黑連場大勝，踢到曉飛，賭波寧捧當頭起，佢哋個勢好得人驚，今季隨時有機會爭奪歐聯冠軍，嚟緊都係唔好拗頸，可以食住個勢繼續跟進。