柏雷素爾 全北汽車

猪拉多纳

21/03/2012
文： 九叔

日韓聯賽盟主柏雷素爾、全北汽車今日响亞冠盃H組對陣，等同兩隻受傷嘅老虎狹路相逢，有你冇我，玩1.68倍入球大啱數。（now 671台及廣東體育周三晚6:00直播）


柏雷素爾、全北汽車上星期响H組揭幕戰同告鎩羽，前者作客泰國以2:3不敵武里南聯，後者仲羞家，主場畀FC廣州炒個1:5，如果今日响日本千葉縣交手，輸波嗰隊固然難爭小組出線，打和就妳好易攬住死，大家都想攞晒3分點會唔搏拳。


講近況，柏雷素爾比較差，除咗喺日超盃贏過FC東京、日職、亞冠盃3場波都贏唔到，所以佢哋班人咬牙切齒話要今日開胡，尤其個會今日推出一批亞冠盃紀念品掠水，有匙扣、徽章、T恤等等，班球員點敢唔搏，想倒自己米咩！

李東國創造118球韓職紀錄

全北汽車因為韓職早日職一個禮拜開咧，狀態比柏雷素爾好，近4場韓職加亞冠盃只輸過畀廣州，前鋒李東國响上星期六場聯賽，仲射入個人K聯賽第118球，創造咗項紀錄，有佢拍住伊連奴，要敲開柏雷素爾大門唔難。之不過全北汽車後防傷兵比較多，對廣州場波受傷嘅趙星桓骨裂都唔踢得，後防線支離破碎，令今場波夠晒條件開大。


亞冠盃H組

亞冠盃賽制

32支球隊分8組進行雙循環分組賽，每組首、次名躋身16強淘汰賽。