西甲雙奴大反擊

猪拉多纳

22/03/2012
文： 法達斯維

失意中爆發的故事屢見不鮮，華歷簡奴同愛斯賓奴的「一老一少」菲臘比古天奴及達蒙度係最新例子，今晚「雙奴」均作客出戰，佢哋誓必助新主「大」爆發！


華歷簡奴今季收容老牌射手達蒙度，呢位前愛斯賓奴icon，曾一腳射破巴塞冠軍好夢，因而被皇馬球迷稱頌。可惜佢傷患頻仍，先後被扔到皇家蘇斯達同華歷簡奴，但佢以不斷入波證明自己寶刀未老。今晚「達哥」夥拍已經喺今季聯賽攻入13球嘅西班牙中場米捷，帶領華歷簡奴作客對馬拉加，兩軍都要爭踢歐洲賽必積極進攻，斯維捧大。（now 632周五清晨5時直播）

愛斯賓奴大起貝迪斯

愛斯賓奴歇冬後借得菲臘比古天奴，呢位小將天分毋庸置疑，但在國米庸帥雲尼亞里麾下苦無出頭之日，今番來到鼓吹進攻的西甲，令菲臘比古天奴能盡展所長，加上佢力爭入選巴西奧運隊，參加今夏的倫敦奧運，必以「吸睛」表現博上位，作客對住入得又失得的貝迪斯，呢場大冇走雞。（周五凌晨3時開賽）