雌狼追咬紅黑兵

猪拉多纳

24/03/2012
文： 鄭少偉

意甲殺到入大直路，聯賽冠軍屬二龍爭珠局面，相信會由AC米蘭同祖雲達斯兩隊鬥到尾，反而第3位就鬥得難分難解，目前3至6位球隊都只係差4分，剩餘賽程絕對好睇過戲。要繼續霸住榜首位置嘅AC米蘭，今晚會喺主場迎擊排第6，爭打歐洲賽嘅羅馬，亨利就睇好近兩場聯賽都贏晒嘅「雌狼」，一於追捧「讓球客勝」。（now633台周六凌晨1:00直播）

伊巴謙感冒影響表現

23日內要踢7場硬仗嘅AC米蘭，周中喺意大利盃次回合畀祖雲達斯淘汰，最唔抵係場波要踢到加時先輸，對球員體能肯定有影響。況且AC將會喺周四凌晨嘅歐聯8強硬撼巴塞隆拿，教頭阿里基淨係諗點排陣都肯定成頭煙，加上「紅黑兵團」嘅入球泉源伊巴謙莫域感冒咗幾日，今鋪就算落得場，表現或多或少會打折扣。


對家羅馬唔係善男信女，一班生牯仔好似波連尼同拉美拿愈踢愈好，教練安歷基早排接受訪問時，就話終極目標係要參加來季歐洲賽，依家仲落後緊第5嘅烏甸3分，所以之後1分都不能少，阿頭落咗「柯打」， 一班球員自然要做嘢。適逢呢支首都球隊最近兩場聯賽都贏晒，個勢咁猛一於追捧「讓球客勝」，想食大茶飯就博埋個客W，大拿拿成4.8倍都咪話唔和味！